Një grup eurodeputetësh do të qëndrojë në Tiranë të dielën, në një mision faktmbledhës mbi përmbushjen e standardeve për liberalizimin e vizave.
Drejtues i delegacionit do të jetë shefi i delegacionit për Ballkanin, Eduart Kukan.
"Koha është është shumë e rëndësishme ndaj po shkojme dhe kaq shpejt pa lajmëruar ne Shqipëri, sepse liberalizimi i vizave do të kishte kuptim nëse do realizohej përpara pushimeve te verës, në mënyrë që njerëzit të mund të udhëtonin lirshem. Po aq i rëndësishëm është fakti që janë dërguar 3 grupe ekspertësh në Tiranë për të verifikuar përmbushjen e kritereve dhe raportet e dy grupeve të para ishin pozitive ndaj presim që dhe grupi i fundit të ketë po ashtu qëndrim pozitiv. Pra, kemi te bejme me një situatë ku Shqipëria po përmbush kriteret dhe logjikisht Komisioni përcaktoi kushtet ju po i plotësoni ato dhe ne duam të rekomandojmë gjithandej se nuk duhet pritur me”, ka thënë kryesuesi i delegacionit Kukan, cituar nga Top Channel.
Ndërkohë tri grupe ekspertësh kanë qëndruar në Tiranë për vlerësimin e situatës, ata po përgatisin tanimë oponionin e tyre i cili më pas do ti dërgohet Komisionit Europian.
”Përpara se të shkojmë te Komisioni, ne duam të shohim vetë situatën në vend, të flasim me personat pergjegjës, do vizitojmë gjithashtu gjate qëndrimit tonë atje, disa qendra kontrolli për cështjet teknike, ne mënyrë që të kemi keshtu me shume peshë para Komisionit”, tha më tej Eduart Kukan, kreu i delegacionit që pritet të vizitojë Tiranën, cituar nga i njëjti burim.
Ai ka thënë se raportimi i çështjes së azilkërkuesve nga Maqedonia dhe Serbia, nuk pati ndikim të mirë në çështjen e liberalizimit të mëtejshëm të vizave me vendet tjera të Ballkanit.
“Kjo nuk e ndihmon situatën, përkundrazi, po u jep argumente atyre që nuk kane qëndrim të qartë pro heqjes së regjimit të vizave”, ka thënë Kukan. Ai do të qëndrojë në Tiranë me një delegacion eurodeputetësh që do të ketë në përbërje deputetët Jelko Kacin, Simon Busuttil nga Malta, Marije Cornalissen dhe raportuesen e Parlamentit per liberalizimin e vizave Tanja Fajon.
Në axhendën e vizitës janë parashikuar takime me Presidentin Bamir Topi, kryeministrin Sali Berisha, Ministrin e Jashtëm Meta dhe Ministrin e Brendshëm Basha. (Lajmifundit)
No comments:
Post a Comment