TIRANE - Komisioni i Ekonomisë dhe Financat diskutoi sot Raportin e Agjensisë së Sigurimit të Depozitave (ASD) për veprimtarinë në vitin 2009, paraqitur nga drejtoresha e këtij institucioni Silvana Sejko.
Si një nga arritjet e ASD u theksua Ligji i miratuar në Kuvend në mars të 2009,“Për disa ndryshime dhe shtesa në Ligjin 8873 Për sigurimin e depozitave”, ku sanksionohet kompensimi për depozitën e siguruar në vlerën e 2. 500.00 lekë të reja, për çdo depozitues në cdo bankë.
Në raportin përmbledhës të Agjensisë thuhet se masat e autoriteteve shqiptare, përgjegjëse në rrjetin e sigurisë dhe mbikqyrjes financiare dhe bankare, kanë forcuar besimin e publikut ndaj sistemit bankar, megjithë krizën ekonomiko-financiare botërore.
Në fund të 2009 rezulton se 96% e numrit të depozitave në sistemin bankar shqiptar janë të mbuluar plotësisht, nga skema e sigurimeve.
Në raport theksohet ndër të tjera se gjatë periudhës Dhjetor 2008-Dhjetor 2009, vërehet një rritje e depozitave të individëve 12%, ndërsa depozitat e siguruara u rritën me 11,7%.
Relatorja në komisionin e ekonomisë, deputetja Ledina Alolli tha se Agjencia e Sigurimit të Depozitave ka punuar mirë, duke veçuar disa nga arritjet si rritja e të ardhurave dhe fitimit në 2009, prej 17 % që tregon politikë të drejtë të ndjekur nga Qeveria shqiptare në sigurimin e depozitave deri në 25 milion lekë, politikë e cila ka sjellë rritje të besimit të qytetarëve ndaj bankave, rritja e të ardhurave nga primi i sigurimit, fakt që tregon zgjerimin e aktivitetit të bankave në Shqipëri si dhe rregjistrimi i të gjitha bankave pranë kësaj agjencie. (Lajmifundit)
No comments:
Post a Comment