TIRANE - Kryetari i grupit parlamentar të Partisë Socialiste Gramoz Ruçi sfidoi për të dytën herë mazhorancën, pas kërkesës së bërë pak ditë më parë në Parlament, për të hapur vetëm kutinë e fshatit Ruzhdie.
Ruçi tha se i kërkon shumicës në pushtet të ofrojë vetëm një fotokopje të listave të votuesve që kanë marrë pjesë në zgjedhje dhe nëse nuk vërtetohen pretendimet e Partisë Socialiste atëherë opozita do të tërhiqet nga hapja e kutive.
Ruçi deklaroi se kjo është një deklaratë në emrin e Partisë Socialiste dhe jo qëndrim personal i tiji.
Kreu i deputetëve socialistë tha se kutia e Ruzhdies është numëruar nga KZAZ-të përkatëse, nga KQZ-ja që ka njohur rezultatin dhe me gjithë votat e vlefshme mandati i takonte Partisë Socialiste dhe jo Partisë Demokratike.
Deklarata e deputetit Gramoz Ruçi është bërë në emisionin “Ora e Debatit” ku kreu i grupit parlamentar të Partisë Socialiste ndodhet përballë një paneli gazetarësh. (Lajmifundit)
No comments:
Post a Comment