KUTITË, RAMA: PRESIM BERISHËN DERI NË 18 MARS, NDRYSHE PROTESTA

KORÇE – (UPDATE - Rama nga Korça: S`do lejojmë ndryshimet në ligjin e SHISH) Kryetari i Partise Socialiste Edi Rama deklaroi sot se opozita nuk do të lejojë miratimin në Kuvend të

ndryshimeve në ligjin e Shërbimit Informativ Shtetëror.
“Nuk do te lejojmë kuvendin ta miratojë këtë ligj.Kaq mund t’ju them tani””, tha Rama gjatë një bashkëbisedimi me gazetarët në Korçë.
Ai shtoi se i bashkohet shqetësimit të shprehur nga ambasadori i SHBA në Shqiperi, Xhon Uidhers, i cili një ditë më parë tha se ndryshimet në ligjin e SHISH, e çojnë Shqipërinë në rrugën e gabuar.

Duke shpjeguar mjetet politike që do të përdorë opizuta kundër miratimit të ndryshimeve ligjore, Rama tha se kur kërkohet të miratohet një ligj që cënon interesin publik, cënon interesin kombëtar të vendit në marredhenie me partneret e mëdhenj, çdokujt i lind e drejta ta bllokoje këtë cënim çdo mjet.

Gjatë fjalës së tij Rama foli në lidhje me hetimin e zgjedhjeve duke thënë se kjo çështje nuk do të mbarojë me hapjen e kutive.

Duke iu referuar datës 18 mars kur propozimet e PS për hetimin e zgjedhjeve dhe hapjen e kutive do të kalojnë në Kuvend, Rama tha se opozita mbetet me shpresë se “pala tjeter do të reflektoje edhe në funksion të kerkeses së partnerëve nderkombetarë të gjejë zgjidhje perpara 18 marsit”.

Kreu i opozitës tha më tej se opozita do të përdorë të gjitha rrugët dhe vala e protestave nuk do te ndalet, derisa të realizohet qëllimi në lidhje me zgjedhjet. (Lajmifundit)